මස් එක සෑදීමට අව්‍යාශ ද්‍රව්‍ය

• කටු රහිත කුකුල්මස් 600g,
• මිරිස් කුඩු තේහැදි 1 1/2,
• ගම්මිරිස් කුඩු තේහැදි 1,
• කහ කුඩු තේහැදි 1/2,
• සුදු විනාකිරි තේහැදි 2,
• පාන්පෙති 10,
• බිත්තර 2,
• කෝන් පිටි කප් 1,
• ලුනු,
• බැද ගැනීමට තෙල්,

සෝස් එකට අවශ්‍ය ද්‍රව්‍ය,

• මෙයොනීස් කප් 1/2,
• තම්බාගත් බිත්තර 1/2,
• පාස්ලි අතු කීපයක්,
• ලෙමන් යුශ බිංදු 4-5,
• වියලි බේසල් කුඩු තේහැදි 1,
• කුඩාවට කපාගත් බොම්බයිලූණු ගෙඩි 1/2,
• සීනි තේහැදි 1,
• ගම්මිරිස් කුඩු තේහැදි 1,
• ලුනු රස අනුව

මස් එක සාදන ආකාරය 

• මුලින්ම මස්ටික හීනි පෙති කපාගන්න. දැන් ලොකු වීදුරු බෝල් එකක් ගෙන එයට මස් , කහ, මිරිස් , ලුනු ,ගම්මිරිස් හා විනාකිරි දමා හොඳින් කළවම් කර පැය 2 පමණ තබන්න .

• පසුව පාන් පෙතිවල වාටි කපා ඉවත්කර පාන් පෙත්ත ඉතාම කුඩාකොටු කපාගන්න. බිත්තර 2 යන්තම් බීට්කර ගන්න . පැය දෙකකට පසු මස් කැබැල්ල කැබැල්ල ගෙන මුලින්ම කෝන් පිටි වල දවටන්න. 

• පසුව බිත්තර වල දවටා අවසානයේ පාන් වල දවටා ගැඹුරු තෙලේ රන්වන් පැහැ වනතෙක් දෙපැත්ත හරවමින් බැදගන්න .( මුලින්ම තෙල් රත්වූ පසු ලිපේ ගින්දර අඩුකොට බැද ගන්න නැත්නම් මස් කැබැල්ලේ මැද අමුවිය හැක)

සෝස් එක සාදන ආකාරය 

• මුලින්ම ලොකු වීදුරු බෝල් එකක් ගෙන මෙයොනීස් හැර සියල්ල එයට දමා හොඳින් පොඩි කරන්න . 

• අවසානයේ මෙයොනීස් එක්කර ඉතාහොදින් කළවම් කරන්න . ( මං පාවිච්චි කලේ ටිකක් දැවිල්ල ගතියෙන් යුත් මෙයොනීස් වර්ගයක් . ඔයාලා ප්ලේන් මෙයොනීස් ගන්න වානම් මිරිස්කුඩු තේහැදි 1/4 විතර එකතුකර ගන්න)

• දැන් ඔබ කැමති ආකාරයට පිළිගන්වන්න .

අවශ්‍ය ද්‍රව්‍ය

• චිකන් වින්ස් 900g,
• බොම්බයි ලූණු ගෙඩි 1,
• බිත්තර 1,
• සෝයාසෝස් මේසහැදි 3,
• ඔයිස්ට සෝස් මේසහැදි 4,
• බාබක්‍යු සෝස් මේසහැදි 2,
• ටොමෑටෝ කෙචප් මේසහැදි 3,
• කෝන් පිටි මේසහැදි 1,
• පාස්ලි අතු 5-6,
• සුදුලූණු බික් 5,
• අගලක පමණ ඉගුරු කැබැල්ලක්,
• කෑලිමිරිස් මේසහැදි 1,
• තෙල් මේසහැදි 1 1/2,
• වතුර කප් 1/2,
• ලුනු

සාදන ක්‍රමය

• මුලින්ම මස්ටික හොඳින් සෝදා පිරිසිදු කරගන්න. ඉන්පසු සුදුලූණු ගා ඉගුරු ටික ග්ලයින්ඩ කරගන්න. දැන් තරමක් ලොකු වීදුරු බෝල් එකක් ගෙන එයට මස්ටික දමන්න. 

• පසුව එයට ග්ලයින්ඩ කරගත් සුදුලූණු ඉගුරු , සෝයාසෝස් , ඔයිස්ට සෝස් , කෑලිමිරිස්, යන්තම් බීට් කරගත් බිත්තර හා කෝන් පිටි දමා හොඳින් කළවම් කර විනාඩි 30 පමණ තබන්න. 

• දැන් පෑන් එකක් ලිප තබා එයට තෙල් දමා තෙල් රත්වූ පසු හීනියට කපාගත් බොම්බයිලූණු එක්කරන්න. බොම්බයි ලූණු ටික තැම්බීගෙන එන විට එයට මස් මිශ්‍ර දමා පසුව වතුර එක්කර මස්ටික තැම්බෙන තෙක් පියනකින් වසා පිස ගන්න.

• පසුවපියනඉවත්කරහොදටමතික්ග්‍රේවීඑකක්වූපසුටොමෑටෝකෙචප්එක්කරහොඳින්කළවම්කරන්න. තවත් විනාඩියක් පමණ පිස ලිපෙන් ඉවතට ගැනීමට ප්‍රථමයෙන් පොඩි කපාගත් පාස්ලි ටික එක්ක හොඳින් කළවම් කර ලිපෙන් ඉවතට ගෙන දැන් ඔබ කැමති ආකාරය පිළිගන්වන.

අවශ්‍ය ද්‍රව්‍ය

• කටු රහිත කුකුල්මස් 600g,
• කජු 200g,
• බොම්බයිලූණු ගෙඩි 1,
• තක්කාලි ගෙඩි 1,
• අමුමිරිස් කරල් 3,
• කොළ බෙල්පෙපර් කැබැල්ලක්,
• කහ බෙල්පෙපර් කැබැල්ලක්,
• තැබිලි බෙල්පෙපර් කැබැල්ලක්,
• සුදුලූණු බික් 5,
• අගලක පමණ ඉගුරු කැබැල්ලක්,
• කරදමුංගු 4,
• කරාබුනැට් 3,
• අගලක පමණ කුරුදු කැබලි 2,
• කෑලිමිරිස් මේසහැදි තේහැදි 2,
• ගම්මිරිස්කුඩු තේහැදි 1/2,
• සුදු විනාකිරි තේහැදි 1/2,
• තෙල් මේසහැදි 2,
• කරපිංචා,
• ලුනු රස අනුව,
• වතුර

සාදන ක්‍රමය

• මුලින්ම මස් හොඳින් පිරිසිදු කර කැබලි කපාගන්න. දැන් ලුනු , ගම්මිරිස් ,විනාකිරි හා වතුර එක්කර දමා තම්බා ගන්න.

• දැන්පෑන්එකේප්‍ර්යි (pan fry) කරගන්න. කජු ටික පැයක් පමණ පෙගෙන්නට තියන්න.වොක් එකක් ලිප තබා එයට තෙල් මේසහැදි 2 දමා තෙල් රත්වූ පසු එයට කරපිංචා ටික දමා කරපිංචා ටික බැදීගෙන එන විට එයට කරදමුංගු , කරාබුනැට් හා කුරුදු දමා ටික දමා එයද යන්තම් බැද ගන්න. 

• පසුව තලාගත් සුදුලූණු හා ඉගුරු එක්කර එය රන්වන් පැහැ වෙනතෙක් පිස එයට හීනියට කපාගත් බොම්බයිලූණු එක්කරන්න. 

• බොම්බයිලූණු ටික යන්තම් ‍රන්වන් පැහැ ගැන්වීගෙන එන විට එයට අමුමිරිස් , කෑලිමිරිස් හා ලුනු දමා හොඳින් කළවම් කරමින් තත්පර 10 පමණ පිස එයට කපාගත් තක්කාලි එක්කර තක්කාලි ටික තැම්බෙන තෙක් පිස ගන්න . (පසුව පෙගෙන්නට තිබූ කජු එකේ වතුර සම්පූර්ණයෙන්ම ඉවත්කර )එයට කජු එක්කර හැන්දෙන් කළවම් කරමින් විනාඩියක් පමණ පිසගන්න. 

• පසුව එයට පෑන් එකේ ප්‍ර්යි කර පසෙකින් තබාගත් මස් ටික එක්කර හොඳින් කළවම් කරන ගමන් තවත් විනාඩියක් පමණ පිස ගන්න දැන් කැබලි කපාගත් බෙල්පෙපර් එක්කර හොඳින් කළවම් කර ලිපෙන් ඉවතට ගන්න. 

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය 

• එළු මස් 1kg,
• තක්කාලී ගෙඩි 2,
• ලුනු ගෙඩියක් ,
• අමු තුනපහ තේ හැදි 1 ක්,
• බැදපු තුනපහ තේ හැදි 1 ක්,
• කහ කුඩු තේ හැදි 1 ක්,
• මිරිස් කුඩු තේ හැදි 3 ක්,
• ගරම්මාසාලා කුඩු තේ හැදි 2 ක්,
• ගම්මිරිස් කුඩු තේ හැදි 1 ක්,
• දුරු ඇට හා අබ ස්වල්පයක් ,
• කිරි හෝ යෝගට් කප් 1 ක්,
• වතුර ස්වල්පයක් ,
• තෙල් ස්වල්පයක් 

සාදන ක්‍රමය

• වියළී මිරිස් කරල් කිහිපයක් ,කුරුදු පොතු කැබැල්ලක් ,කරාබු නැටි කිහිපයක් ,එනසාල් ඇට කිහිපයක් ,ඉගුරු ,සුදු ළුණූ ,රස අනුව ලුණු බෙලෙන්ඩර් කප් එකකට දමා බෙලෙන්ඩර් කරගන්න,එයටම විනාකිරි සහ පොල් කිරි කෝප්ප භාගයක් දමා ගන්න.

• මස් කපා සෝදා පිරිසිදු කර භාජනයකට දමා එයට මෙම පේස්ට් එක දමා හොදින් තවරා ගන්න.සීසන් වෙන්න විනාඩි 20-30 තබාගන්න.

• භාජනයක් ලිප තබා තෙල් ස්වල්පයක් දමා රත් වන විට අබ,ලුනු දමා පසුව තක්කාලී දමන්න.

• මිනිත්තු තුනකට පසුව පේස්ට් එක දමා ගත් මස් ගෙන එයට මිරිස් කුඩු , තුනපහ කුඩු , දුරු ඇට , හා කහ කුඩු , ගම්මිරිස් , ග්‍රැරැම් මසාලා සහ ලුනු එක්කර කලවම් කරගන්න.එය තෙල් භාජනයට දමා ගන්න,එයට යෝගට් ද දමා කලවම් කරගන්න.

• වතුර කෝප්ප 2 පමණ දමා පියනකින් වසා මද ගින්න්නේ විනාඩි 40 පමණ පිසගන්න.

• දැන් ඔබ කැමති ආකාරයකට පිළිගන්වන්න.