අවශ්‍ය ද්‍රව්‍ය

• ඔළුව කඩල ඉවත් කරගත්ත හාල්මැස්සො කප් 1,
• හීනියට කපාගත්ත ළූණු ගෙඩියක් හෝ දෙකක් කැමැත්ත අනුව,
• සුදුළූණු, රම්පෙ, කරපිංචා, අමුමිරිස්
• කෑලි මිරිස් සැර අනුව,
• කහ චුට්ටක්,
• ලුණු,
• සියඹලා ඉස්ම හෝ දෙහි ඇඹුල්,
• තෙල්

සාදන ක්‍රමය 

• හාල්මැස්සො ටික විනාඩි දහයක් විතර පෙඟෙන්න තියල හොඳට සෝදගන්න. වතුර බේරෙන්න පැත්තකින් තියන් ඒ අතරතුර ළූණු ටිකට තෙල් හැර අනෙක් සියළුම දේවල් දාල අනාගන්න. 

• සියඹලා වෙනුවට දෙහි ගන්නව නම් දෙහි ටික දාගන්න එපා.

• තෙල් ටික රත් වෙන්න තියල ඒකට වතුර බේරගත්ත හාල්මැස්සො ටික එකතු කරගන්න. ටිකක් බැදෙන්න ඇරල ළූණු මිශ්‍රණය එකතු කරගන්න. ළූණු ටික මැලවිලා දුඹුරු පාටට එනකොට ලිප නිවල ටිකකින් දෙහි ඇඹුල් එක් කරගන්න සියඹල නොදානව නම්.

• කරවල තෙල් දාන්නෙත් මේ විදියටමයි. හාල් මැස්සො වෙනුවට කරවල ගන්න. හැබැයි කරවල ගනිද්දි දාන ලුණු ප්‍රමාණය ගැන සැලකිලිමත් වෙන්න. කරවල කොහොමත් ලුණු රසයි. 

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• දැල්ලන් ග්‍රෑම් 250 යි,
• තුනපහ කුඩු,
• ගම්මිරිස් කුඩු,
• රතු ළූණු ග්‍රෑම් 50 යි,
• අමු මිරිස් කරල් 2 යි,
• රම්පෙ, කරපිංචා,
• සුදු ළූණු බික් 2 යි,
• අමු ඉඟුරු කැබැල්ලක්,
• තක්කාලි ගෙඩි 2 යි,
• ලුණු ස්වල්පයක්,
• කහ ස්වල්පයක්,
• පොල් බෑවක කිරි,
• දෙහි යුෂ

සාදන ක්‍රමය

• දැල්ලන් හොඳින් සෝදා කපාගන්න. රතු ළූණු සහ අමු මිරිස් ලියාගන්න. අමු ඉඟුරු හා සුදු ළූණු ගලේ දමා අඹරාගන්න.

• රම්පෙ, කරපිංචා, කුරුඳුපොතු, තුනපහ හා මිරිස් කුඩු, ගම්මිරිස් කුඩු හා තක්කාලි, දියකිරි හා ලුණූ දමා ළිප තබන්න. මද ගින්නේ තැම්බුණ පසු මිරිකිරි දමා ඉස්ම හිඳුන පසු ළිපෙන් ඉවත් කරන්න. ඉන්පසු දෙහි යුෂ ස්වල්පයක් දමාගන්න.

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• වැව්මාළුග්‍රෑම් 500 යි,
• ලොකුළූණුගෙඩි 3 යි,
• මුරුංගාකොළ,
• අමුමිරිස්කරල් 5 යි,
• ලුණූ ස්වල්පයක්,
• ගම්මිරිස් ස්වල්පයක්,
• කෑලි මිරිස් ස්වල්පයක්,
• සුදු ළූණූ බික් 6-7ක්,
• තක්කාලි ගෙඩි 1 යි,
• කහ ස්වල්පයක්,
• කරපිංචා, සේර, රම්පෙ, කුරුඳු ස්වල්පය බැගින්

සාදන ක්‍රමය

• වැව් මාළු හම ගලවා කටු වලින් බේරාගන්න.

• ළූණූ, අමු මිරිස්, රම්පෙ, කරපිංචා,යනාදිය සිහින්ව ලියා තෙලෙන් බැදගන්න, එයට තරමක් ලොකුවට කපා ගත් සුදුළූණූ එකතු කරන්න.

• කැබලි කපා ගත් තක්කාලිද එකතු කරන්න. කහ, කෑලි මිරිස්, ගම්මිරිස්, ලුණූ පමනට එකතු කොට කලවම් කරන්න. මේ සියල්ල යන්තම් බැදීගෙන එනවිට හම,කටු ඉවත් කර සූදානම් කරගත් වැව්මාළු දමා තවත් ටික වේලාවක් බැදගන්න.

• එයට මුරුංගා කොළ ටිකද එකතු කොට මාළු තැම්බී ඇතිනම් ලුණු බලා ලිපෙන් බා ගන්න.

• ඔබට මුරුංගා කොළ වෙනුවට කංකුන්ද යොදා ගත හැක.(මාළු නිතර හැදි ගාන්න එපා. හැදිගෑමෙන් මාළු කුඩා කුඩා කැබලි වලට කැඩී යයි. එම නිසා වලඳ සොලවමින් කලවම් කර ගන්න.)

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• තෝර මාළු ග්‍රෑම් 500 යි,
• මිටි කිරි කෝප්පයක්,
• සුදුළූණුබික් 6,
• වියළිමිරිස්කරල්කිහිපයක්,
• ලුණු,
• කහ,
• තෙල්,
• කරපිංචා,
• අබ,
• දෙහි බෑවක්

සාදන ක්‍රමය

• මාළු තරමක තුනියට තීරු කපා ලුණු ස්වල්පයක් අතගා තෙලෙන් බැදගන්න.

• සුදු ළූණු, වියළි මිරිස්, කරපිංචා, අබ එකට අඹරාගන්න. දැන් මිටි කිරි වලට අඹරාගත් සියල්ල දියකර ගන්න.

• එයට ලුණු, කහ සහ දෙහි ඇඹුල් ස්වල්පයක් එකතු කරන්න. බැදගත් මාළු කැබළි එම මිශ්‍රණයේ දවටා (සීසන් වීමට) පැය භාගයක් පමණ තබන්න.

• අවන් එකේ විනාඩි 10 ක් පමණ පිස මේසයට පිළිගන්වන්න.

අවශ්‍ය ද්‍රව්‍ය            

• තලපත් මාළු  500g,
• ලොකු ළුණු  50g,
• තක්කලි  ගෙඩි  02,
• මාළු මිරිස් කරල්  06,
• අමුමිරිස්  කරල්   04,
• කැලී  මිරිස්‌ තේ හැදී 04 පමණ  , 
• ගම්මිරිස් කුඩු තේ  හැදී  1/2,
• දෙහි ගෙඩි   01,
• සුදුළුණු  (සිහින්ව කපා ගන්න ලද ) තේ හැදී 01,
• ඉගුරු (සිහින්ව  කපා ගන්න ලද ) තේ හැදී  1/2,
• කරපිංචා ස්වල්පයක් ,
• පදමට  ලුණු,
• සොයා සෝස්  තේ හැදී 04,
• තක්කාලි  සෝස්  මේස  හැදී 03,
• සුප් කැට  01,
• සිනි තේ හැදී 1/2,
• එළවළු තෙල්   1/2  , 
• වතුර ස්වල්පයක්

සාදන ක්‍රමය                    

• පළමුව  සෝදා පිරිසිදු  කරගත්  මාළු  කැබලි වලට කපා ගන්න.  ඉන් අතුරුව එයට  දෙහියුෂ, ලුණු , සහ ගම්මිරිස් කුඩු  එකතු කර  අත ගා (සීසන් කරගන්න ) විනාඩි 15  පමණ  තබන්න .ඉන්පසු , ලොකු ළුණු ,මාළු මිරිස්, තක්කාලි ,ඩෙවල් හැඩයට  කපා  ගන්න .(මෙය  ඔබ කැමති ආකාරයකට උනත් කපා  ගත හැක .) 

• අනතුරුව පිරිසිදු භජනයක් ලිප තබා , එය රත්වූ පසු  එයට තෙල්  දමා  තෙල් රත්වූ පසු   මාළු  කැබලි  තෙලට දමා හොදින් බැද ගන්න.  

• ඉන් පසු පිරිසිදු  භජනයක් ලිප තබා , එය රත්වූ  පසු  එයට තෙල් ස්වල්පයක් දමා රත්වූ පසු , කපා ගන්න ලද සුදුළුණු , ඉගුරු , එකතුකර , රන් පැහැය වූ පසු  එයට කරපිංචා, සහ ලොකු ළුණු,මාළුමිරිස් එකතු කරමින් මද වෙලාවක් පිස ගන්න.

• අනතුරුව , එයට කැලි මිරිස්, සහ සොයා සෝස් ස්වලපයක්  මිශ්‍ර කර ,බැදගත් මාළු  කැබලිද එයට එකතු කර ලිපේ ගින්දර මදක් අඩුකර ,එයට තක්කාලිසෝස්, සිනි . සහ අනිකුත් රස කාරක මිශ්‍ර කර ,විනාඩියකින්  පමණ වතුර ප්‍රමානවත් පරිදි එකතු කර ලිපෙන් ඉවතට කර ගැනීමට පෙර ඩෙවල් හැඩයට කපා ගත් තක්කාලි කැබලි එකතු කර  හැකි විගස  ලිපෙන් බාගන්න . 

• අනතුරුව සදා ගත් මාළු ඩෙවල් සුදුසු භාජනයකට දමා කැම මේසයට  යවන්න.

අවශ්‍ය ද්‍රව්‍ය

• ලොකු සැමන් ටින් 1,
• පොඩියට කපාගත් බොම්බයිලූණු ගෙඩි 1 1/2,
• පොඩියට කපාගත් තක්කාලි ගෙඩි 1,
• සුදුලූණු බික් 3,
• ඉගුරු කෑල්ලක්,
• කෑලිමිරිස් තේහැදි 2,
• අමුමිරිස් කරල් 3-4,
• තෙල් මේසහැදි 1,
• කරපිංචා,
• ලුනු

සාදන ක්‍රමය

• මුලින්ම ඉගුරු සුදුලූණු ටික තලාගන්න. සැමන් ටින් එක කඩා සැමන් කැබලි වල මැද ඇති කටු ඉවත්කර ගන්න.

• පෑන් එකක් ලිප තබා එයට තෙල් දමා තෙල් රත්වූ පසු තලාගත් ඉගුරු සුදුලූණු ට්ක දමා රන්වන් පැහැ ගැන්වෙන තෙක් පිස එයට බොම්බයිලූණු , කරපිංචා හා අමුමිරිස් දමා බොම්බයිලූණු ටික රන්වන් පැහැ ගැන්වීගෙන එන විට එයට ලුනු හා කෑලිමිරිස් දමා හොඳින් කළවම් කර තත්පර 20 පමණ පිසගන්න. 

• දැන් සැමන් ටික දමා හොඳින් කළවම් කර පියනකින් වසා විනාඩි 2-3 පමණ ලිපේ ගින්දර අඩුකොට පිස ගන්න . පසුව පියන ඉවත් කර ලිපේ ගින්දර වැඩි කර වතුර ගතිය ඉවත් වෙනතෙක් පිස ගන්න .

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• ඉස්සෝ 500g,
• ලියා ගත් ළුණූ 8,
• කපාගත් අමුමිරිස් කරල් 3 ක්,
• තලාගත් ඉගුරු කැල්ලක් ,
• කපාගත් සුදු ළුණූ බික් 4 ක්,
• කරපිංචා ,
• රම්පේ ,
• කහ කුඩු ස්වල්පයක් ,
• ගම්මිරිස් කුඩු ස්වල්පයක් ,
• අමුතුනපහ තේ හැදි 3/4 ක්,
• මිරිස් කුඩු තේ හැදි 1 1/2 ක්,
• කුරුදු පොතු කැබැල්ලක් ,
• බැදගත් උලුහාල් ඇට කිපයක් ,
• ගොරකා කැබලි 2 පමණ ,
• මිටි කිරි අඩු කෝප්ප 1 1/4 ක්,
• දිය කිරි 1 1/2,
• ලුණු 

සාදන ක්‍රමය

• පලමුව ඉස්සන් ඔලු කඩා හොදින් සෝදා ගන්න.

• ඉන් පසු ඇතිලියකට දමා එයට කහ කුඩු ,ගම්මිරිස් ,තුනපහ කුඩු ,මිරිස් කුඩු දමා හොදින් අත ගා ගන්න.

• ඉන් පසු රත් ළුණූ ,අමුමිරිස් ,ඉගුරු ,සුදු ළුණූ ,රම්පේ ,කරපිංචා ,උළු හාල් ,කුරුදු පොතු කැබැල්ලක් ,ගොරකා එකතු කරන්න.

• ඉන් පසු දිය කිරි මිටි කිරි දමා සාමාන්‍ය ගින්දරේ ලිපේ තියන්න.

• එම අතර තුර ලුණු ද එකතු කරන්න.

• ඉස්සෝ හොදින් තැබ්බුන පසු හොද්ද ලිපෙන් බා ගන්න.

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• තම්බා ගත මාළු 500 g (පෙති හෝ කොටු ආකාරයට කපා ගන්න),
• ලොකු ළුණු 100g (රව්ම්ව කපා ගන්න),
• අමු මිරිස් කරල් 5ක්,
• සුදු ළුණු බික් 4ක් (තලා ගත් ),
• අමු ඉගුරු කැබැල්ලක් (තලා ගත් ),
• රම්පේ කරපිංචා ස්වල්පයක්,
• කහ ස්වල්පයක්,
• ගම්මිරිස් මේස හැදී 1ක්,
• දෙහි යුෂ ස්වාල්පයක්,
• ලුණු (රස අනුව ),
• තෙල් මේස හැදි 3ක්

සාදන ක්‍රමය

• බදුනක් ගෙන තෙල් දමා රත් කර ගන්න. 

• එයට තලා ගත් සුදු ළුණු ඉගුරු රම්පේ කරපංචා එක් කර බැද ගන්න. 

• දැන් අමු මිරිස්, ළුණු,ගම්මිරිස්, කහ, ලුණු එකතු කරමින් බැද ගන්න. 

• මෙයට මාළු තැම්බු වතුර ස්වල්පයක් එකතු කර ගන්න. 

• අවසානයේ මාළු එකතු කර ගන්න. ලිපෙන් ඉවතට ගෙන දෙහි එකතු කරගෙන කෑමට පිළිගන්වන්න.