අවශ්‍ය ද්‍රව්‍ය 

• ලොකු ලූනු ගෙඩි 3ක්
• කෑලි මිරිස් තේ හැදි 4ක්
• සීනි තේ හැඳි 3ක්
• කරදමුන්ගු ඇට 3ක්
• කරාබුනැටි ඇට  4ක්
• උම්බලකඩ ස්වල්පයක්
• රම්පේ
• කරපිංචා
• කුරුදු පොතු කැබැල්ලක්
• තෙල් ස්වල්පයක්
• රස අනුව ලුණු

සාදන ක්‍රමය 

• මැටි ඇතිලියකට මේ සියල්ලම එකතු කරගන්න.
• ඉන්පසු හොඳින් කලවම් කරගන්න.
• ලූනුවුණු වල වතුර එනකම්ම හොදින්  කලවම් කර ගන්න.
• පසුව මඳ ගින්නේ විනාඩි විස්සක් විසිපහක් හොඳින් පිසගන්න.
• දැන් කැමති ආකාරයට  පිළිගන්වන්න .

අවශ්‍ය ද්‍රව්‍ය

• අල ග්‍රෑම් 400 යි (පොතු ඉවත් කර කුට්ටි කපාගන්න),
• උම්බලකඩ කුඩු මේස හැඳි 1 යි,
• කහ ස්වල්පයක්,
• රම්පෙ, කරපිංචා,
• කපාගත් අමුමිරිස් කරලක්,
• උළු හාල් ස්වල්පයක්,
• පොල් බෑයක මිටිකිරි හා දියකිරි,
• රතු ළූණු ගෙඩි 6 යි. (සිහින්ව ලියාගන්න),
• ලූණු අවශ්‍ය පමණ

සාදන ක්‍රමය

• කපාගත් අමුමිරිස් කරල, රම්පෙ, කරපිංචා කුඩාවට කපාගෙන ඇතිළියකට දමන්න.

• ඊට උම්බලකඩ, උළු හාල් ස්වල්පයක්, රතුළූණු සහ කහ එක් කරන්න. ඊලඟට අල කැබලි දමා ඒවා වැසෙන තෙක් කිරි වර්ග දෙකම වත්කරන්න. ඔබේ රස අනුව ලුණුද එකතු කර ගන්න.

• සුවඳ හමන තුරු හා අල තැම්බෙන තුරු හොද්ද පිස ගන්න. හොද්ද උකු වැඩි නම් වතුර ටිකක් එක්කර නටවාගන්න (පිස ගන්න).

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• හතු ග්‍රෑම් 300 යි,
• අමු මිරිස් කරල් 4 යි (සිහින්ව ලියාගන්න),
• එළවළු තෙල් මේස හැඳි 1 යි,
• මිරිස් කුඩු තේ හැඳි 1 යි,
• කහ ස්වල්පයක්,
• කෝන් පිටි තේ හැඳි 2 යි,
• ලුණු පදමට,
• වතුර කෝප්ප 1/2 යි

සාදන ක්‍රමය

• හතු සෝදා කැබලි කඩා හෝ කපා ගන්න. අමු මිරිස්, කහ, මිරිස් කුඩු, කෝන් පිටි (කෝන් පිටි අත්‍යවශ්‍යම නැත) සහ ලුණු එකට අනා හතුද මේ මිශ්‍රණයට එකතු කොට අනාගන්න. 

• තෙල් ලිප තබා නටන විට හතු මිශ්‍රණය ඊට දමා එහා මෙහා පෙරළා ගන්න. සුවඳ හමන විට වතුර එකතු කර භාජනය වසා මද ගින්නේ පිසගන්න.

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• අල ග්‍රෑම් 500 යි,
• රතු ළූණු ගෙඩි 8 යි,
• අමු මිරිස් කරල් 4 යි,
• මිරිස් කුඩු මේස හැඳි 2 යි,
• උම්බලකඩ කුඩු මේස හැඳි 2 යි,
• කහ කුඩු සුවල්පයක්,
• රම්පෙ, කරපිංචා,
• පොල් තෙල් මේස හැඳි 1 1/2 යි,
• ලුණු සහ දෙහි

සාදන ක්‍රමය

• අල සෝදා තම්බාගන්න. පසුව පොතු ඉවත්කර කුට්ටි කපාගන්න. රතුළූණු සහ අමු මිරිස් සිහින්ව ලියාගන්න. 

• මිරිස් කුඩු, උම්බලකඩ කුඩු, කහ, රම්පෙ, කරපිංචා, ලියාගත් රතුළූණු සහ අමු මිරිස් සමග පදමට ලුණු සහ දෙහි එක්කර අල කැබැලි වල හොඳින් තැවෙරෙන සේ වතුර ස්වල්පයකින් අනාගන්න. 

• ඇතිලියකට තෙල් දමා ලිප තබා නටන විට අල මිශ්‍රණය දමා හොඳින් පෙරළමින් සුවඳ හමන තුරු බැදගන්න.

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• පිටි සහිත හොද ලොකු කොස් ඇට 25
• ලියාගත් රතුඵණු මේස හැදි 3
• ලියාගත් අමුමිරිස් කරල් 2
• උම්බලකඩ කැබලි මේස හැදි 4
• කරපිංචා 
• ලුණු ස්වල්පයක්
• කහ
• තුනපහ
• මිරිස් කුඩු
• පොල්කිරි කෝප්ප 1
• උඵහාල් ස්වල්පයක්
• බැද අඹරාගත් හාල් පොල්– සෝදා වේලා ගත් කැකුඵ හාල් මේස හැදි 1 1/2 හා ගා ගත් පොල් මේස හැදි 1 1/2 ගෙන හොදින් බැද අඹරාගන්න.

සාදන ක්‍රමය

• මැටි වලදක් භාවිතා කරන්න.

• කොස් ඇටය වෙන් වී නොයන සේ  තලා පොතු පිටින්ම වලදකට දමන්න.

• ඉන්පසු ලුණු හා අනෙක් කලමනා හා තැම්බෙන ප්‍රමාණයට වතුර දමා තම්බා ගන්න.

• තැම්බුනු පසු කිරි හා බැදගත් හාල් පොල් එක්කර නටන විට ලිපෙන් බා ගන්න.

අවශ්‍ය ද්‍රව්‍ය 

• ගර්කින් ගෙඩි 1ක්,
• බේබි කෝන් 5-6ක්,
• බාගෙට තැම්බූ කැරට් අල  2ක්,
• වාෂ්පයෙන් (යන්තමට ) තම්බාගත් ගෝවා,
• ලීක්ස් ගස් දෙකක සුදු කොටස්,
• බෙල්පෙපර් 2ක් ,
• සුදුලූනු බික් ලූණු බික් 2ක් ,
• ලුණු ගම්මිරිස්( රස ඇවැසි පමණට ),
• සෝයා සෝස් ,
• එළවළු තෙල් ස්වල්පයක් 

සාදන ක්‍රමය 

• පළමුවෙනි ගර්කින්, බේබිකෝන් බාගෙට  තම්බාගත් ගෝවා, තම්බාගත් කැරට්, ලීක්ස් බෙල්පෙපර්,  තක්කාලි තරමක කැබලි වලට කපා ගන්න.

• පසුව තෙල් ස්වල්පයක් රත්වන්නට තබා සුදු ලූනු බැද එයට තම්බාගත් එළවළු සියල්ල දමා අඩු ගින්දරේ රස්නයට බැදගන්න. රන්වන් පැහැයට බැදුණු පසු ලුණු, ගම්මිරිස් හා සෝයා සෝස් එකතු කර මද වේලාවකට පසු ලිපෙන් ඉවතට ගන්න.

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• කඩල (තම්බා ගත්) ග්‍රෑම්  250 ක්,
• මිරිස් කුඩු තේ හැඳි 1ක්,
• කහ තේ හැදි 1/2,
• උලුහාල් තේ හැදි 1/2 ,
• රම්පෙ, කරපිංචා ,
• බී ළූණු ගෙඩි එකක් ,
• වියළි මිරිස් කරල් 4 ක් ,
• බැදපු තුන පහ කුඩු තේ හැන්දක් ,
• මිටි කිරි කෝප්ප 2ක්– 3ක්,
• පොඩි තක්කාලි ගෙඩියක්  ,
• අබ ඇට තේ හැදි බාගයයි 

සාදන ක්‍රමය 

• බෙරි නොවන සේ හොඳින් තම්බා ගත් කඩල වලට පොල් කිරි හා ලුණු දමා පසෙකින් තබන්න. තෙල්  ස්වල්පයක් අඩු ගින්දර රස්නයට ලිප තබා ඒ රත් වී එන විට රම්පෙ, කරපිංචා හා අබ ඇට දමා බැදගන්න.අබ ඇට පුපුරා එන විට කපාගත් බීලූනු, අමුමිරිස්, තක්කාලි, වියලි මිරිස්, තෙලට එක්කර ගත යුතුයි.

• මිරිස් කුඩු හා අමු තුන පහ කුඩු ද එකතු කර කරගත් පසුව මිශ්‍රණයේ රන්වන් පැහැවන තුරු බැද ගත් පසුව කඩල මිශ්‍රණයට එකතු කරගන්න. ව්‍යංජනය හොඳින් උතුරා එන විට බැදපු තුන පහ කුඩු එකතු කර ලිපෙන් ඉවතට ගන්න .

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• ඉස්සෝ ග්‍රෑම් 100 ,
• අමු තුනපහ කුඩු තේ හැඳි 1ක්,
• මිරිස් කුඩු තේ හැදි 1/2,
• බී ළූණු ගෙඩි 1,
• ලුණු රස අනුව ,
• ගිතෙල්  ස්වල්පයක්

සාදන ක්‍රමය

• පළමුව ඉස්සන් ඔලු කපා සෝදා ගන්න.බණ්ඩක්කා ද (ළපටි බණ්ඩක්කා කරල් තෝරාගන්න) සෝදා නටුව වත්කර තරමක කැබලි වලට කපා ගන්න. 

• ගිතෙල් ස්වල්පයක් බඳුනකට දමා අඩු ගින්දරේ රස්නයට ලිප තබන්න.තෙල් රත් වී එන විට පළමුවෙන් ඉස්සන් දමා බැදගන්න. ඉන් පසු කපාගත් බීලූනු සමග මිරිස් කුඩු ,කහ, අමු තුනපහ, ලුණු එකතු කර අනතුරු බණ්ඩක්කා ද දමා( බණ්ඩක්කාවල කොළ පැහැය වියැකී නොයන සේ ) බැද ගත යුතුය.

• බැද මද  වේලාවකට පසුව ලිපෙන් ඉවතට ගන්න. අවශ්‍ය නම් පොල්කිරි, මුදවාපු කිරි ස්වල්පයක් එකතු කර ගත හැක .

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• කොහිල අල 400g,
• ලූනු 300g,
• අමුමිරිස් 50g,
• කරපිංචා,
• කුනිස්සන්/උම්බලකඩ/හාල්මැස්සන් 100g,
• මිරිස් කුඩු,
• කෑලි මිරිස්,
• තුනපහ කුඩු,
• කහ,
• ලුනු කුඩු,
• සියඹලා මේස හැදි 2,
• සීනි තේ හැදි 1/2,
• තෙල්

සාදන ක්‍රමය

• මේ බැදුම හදන විට කොහිල අල සහ ලූනු ඔයාලට කැමති ප්‍රමාණයට ගන්න පුලුවන්. අඩු වැඩි වුනාට රසයේ වෙනසක් වෙන්නේ නැහැ. ඒ වගේමයි මේ බැදුම නිර්මාංශ ආහාර වේලකට එකතු කරගන්න.

• කැමතිනම්කුනිස්සන්වෙනුවටරටකජු, කජු වගේ දෙයක් එකතු කරගන්නත් පුලුවන්. මුලින්ම කොහිල සිහින්ව කපාගන්න. කපාගත් කොහිලවල එකට ඇලෙන ගතිය ඉවත් වෙන්න පොල්තෙල් මේස හැන්දක් දමා කපාගත් කොහිල සමග හොදින් කලවම් කරන්න. 

• මේ අතර ලූනු සහ අමුමිරිස් වෙන වෙනම කපාගන්න. කපාගත් සියල්ලට ලුනු කුඩු, කහ එකතු කර හොදින් මිශ්‍ර කරගන්න. මේ බැදුමට මම එකතු කරගත්තේ කුනිස්සන්.

• දැන් පෑන් එකක් ලිපේ තබා එයට තෙල් එකතු කර තෙල රත්වන විට කොහිල, ලූනු, අමුමිරිස්, කරපිංචා, කුනිස්සන් වෙන වෙනම හොදින් බැදගන්න.

• ඉන්පසුව සියඹලා පේස්ට් එකක් සාදා ගන්න.ඔයාලට අවශ්‍ය ප්‍රමාණයට ඇඹුල් එකතු කරගන්න. දැන් මැටි ඇතිලියක් ලිපේ තබා එයට සියඹලා පේස්ට් එක දමා රත් වෙන විට එයට මිරිස් කුඩු, තුනපහ කුඩු, කෑලි මිරිස්, ලුනු කුඩු, සීනි එකතුකර රත් වෙන විට බැදගත් සියල්ල එකතු කර හොදින් මිශ්‍ර කරගන්න.
• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය 

• කොහිල අල 500g,
• වේලපු හාල්මැස්සන් 100g,
• රතු ළුණූ 100g,
• අමුමිරිස් කරල් 50g,
• විනාකිරි අඩු කෝප්ප 1ක්,
• අබ ඇට තේ හැදි 1ක්,
• ඉගුරු කැබැල්ලක්, 
• සුදු ළුණූ බික් 3ක්,
• මිරිස් කුඩු තේ හැන්දක් පමණ ,
• සීනි තේ හැදි 3ක්,
• රම්පේ, 
• කරපිංචා ,
• පොල් තෙල් බැද ගැනීමට,
• ලුණු ,
• අවශ්‍ය නම් ටොමැටෝ සෝස් ටිකක්

සාදන ක්‍රමය

• පලමුව කොහිල අල පොතු හැර සුද්ද කර දිග අතට සුද්ද කරගන්න.

• ලුණු මිශ්‍ර උනු වතුරෙ වි 10 පමණ තබා ගන්න.

• හාල්මැස්සන් ඔලු කඩා උණු වතුරෙන් සෝදා ගන්න.

• කපා ගත් කොහිල අල වතුර බේරෙන්නට හැර  රතු ළුණූ ගෙඩි පිටින්ම සුද්ද කරගන්න.

• සෝදා ගන්න,අමුමිරිස් ද සෝදා දෙකට පලා ගන්න.

• චාච්චියක් ලිප තබා එය රත් වු විට තෙල් දමා තෙල් රත් වු විට රම්පේ කරපිංචා දමා බැදගන්න.

• ඒවායෙත් තෙල් බේරෙන්නට හරින්න.

• ඉන් පසු කොහිල දමා රන් වන් පැහැවන තුරු බැද ගෙන තෙල් බේරීමට තබන්න.

• ඉන් පසු ලුනු ගෙඩි සහ අමුමිරිස් ද ගැඹුරු තෙලෙහි බැදගන්න. යන්තම් බැදගත්තහම ඇති.

• එයටම හාල්මැස්සන් ද එකතු කර බැද ගන්න. තෙල් බේරීමට තබන්න.

• ඉන් පසු ඉගුරු, සුදු ළුණූ ,අබ ඇට ,විනාකිරි ටිකක් දමා කොටා ගන්න,නැතිනම් ගලේ අබරා ගන්න.නැතිනම් බෙලෙන්ඩර් කරගන්න.

• ඉන් පසු භාජනයක් ලිප තබා එයට ඉගුරු විනාකිරි දමා රත් කරගන්න.

• විනාකිරි රත් වීගෙන එනවිට එයට සීනි අඹරාගත් මිශ්‍රණය ,මිරිස් කුඩු සහ රස අනුව ලුණු එකතු කර සීනි දියවන තුරු හැදි ගාමින් රත් කරන්න.

• ඉන් පසු බැදගත් රම්පේ ,කරපිංචා ,කොහිල ,රතු ළුණූ ,අමුමිරිස් ,හාල්මැස්සන් එකතු කර හොදින් කලවම් කරගන්න.

• විනාඩියක් පමණ පිස ලිපෙන් බාගන්න.

• දැන් ඔබ කැමති ආකාරයකට පිළිගන්වන්න.