අවශ්‍ය ද්‍රව්‍ය

• මී කිරි කෝප්ප 2,
• කොත්තමල්ලි කොළ ටිකක්,
• චොප්කරගත් ළූණු ටිකක්,
• සීනි මේස හැඳි 2

සාදන ක්‍රමය 

• මී කිරි වලට සීනි හා ලුණු දාලා හොඳට මිශ්‍ර කරගන්න.

• දැන් මේකට ළූණු හා කොත්තමල්ලි කොළ දාගෙන කලවම් කරලා ෆ්‍රිජ් එකට දාගන්න.

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය 

• ෆ්‍රෙශ් මිල්ක් කෝප්ප 1,
• එළවළු තෙල් කෝප්ප  1 1/2,
• ලුණු පින්ච් එ​කක්

සාදන ක්‍රමය

• මේ ඔක්කොම  එකට දාලා හෑන්ඩ් මික්සර් එකෙන් ගසාගන්න. 

• උකු ගතියට එනකල් බීට් කරගන්න

අවශ්‍ය ද්‍රව්‍ය 

• විප් ක්‍රීම් 200ml,
• ලුණු

සාදන ක්‍රමය

• සාමාන්‍යෙන් අපි විප් ක්‍රීම් පාවිච්චි කරන්නෙ විපින් අයිසින් එකටනෙ. එතකොට බීට් කරන්නෙ හිම වගේ මිදෙනකල්නෙ. මේක ඊටත් වඩා බීට් කරන්න ඕනෙ. 

• ලුණු එක් කරගත් විපින් ක්‍රීම් දිගටම බීට් කරන් යනකොට හිම ගතිය නැතිවෙලා ආයෙම එකතු වෙනවා. 

• තවදුරටත් බීට් කරනකොට ක්‍රීම් එකේ ෆැට් එක වෙන් වෙලා භාජනයට වතුර එකතුවෙනවා පෙනෙයි.ඒ වගේම බටර් හැදිලා තියනවත් පෙනෙයි. 

• දැන් පිරිසිදු රෙදිකෑල්ලක් අරගෙන මේ ටික දාලා වතුර ටික මිරිකලා අයින් කරගන්න. දැන් වතුර නැති පීරිසියකට දාලා ෆ්‍රිජ් එකට දාගන්න.

අවශ්‍ය ද්‍රව්‍ය 

• ෆ්‍රෙශ් මිල්ක් ලීටර් 1,
• මුහුන් සඳහා මුදවපු කිරි මේස හැඳි 3,
• ලුණු (කැමතිනම්)

සාදන ක්‍රමය

• භාජනයකට කිරි ටික දාලා ලිපේ තියාගන්න. බුබුලු දාලා නටනකොට වෙන භාජනයකට දාගන්න. නිවෙන්න තියන්න.

• උණු කරගත් කිරි වලට ඇඟිල්ලක් දාන්න පුළුවන් රස්නෙට නිවුනම මුදවපු කිරි ටික දාගෙන කලවම් කරගන්න.දැන් හෙලවෙන්නෙ නැති වෙන්න පැත්තකින් තියලා තියන්න. 

• මිදුණට පස්සෙ ෆ්‍රිජ් එකට දාගන්න.

• ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය 

• ෆ්‍රෙශ් මිල්ක් ලීටර් 1,
• මුහුන් සඳහා යෝගට් එකක්,
• ජෙලටින් මේස හැන්දක්,
• සීනි ග්‍රෑම් 120,
• වැනිලා තේ හැඳි 1,
• ලුණු පින්ච් එකක්

සාදන ක්‍රමය

• ජෙලටින් ටික පෙඟෙන්න තියලා ඩබල් බොයිල් කරගන්න. භාජනයකට කිරි ටික දාලා ලිපේ තියන්න. සීනි හා ලුණු ටික දාගන්න. ජෙලටින් ටිකත් දාගෙන හැඳිගාන්න. අඩිය අල්ලන්න දෙන්න එපා. විනාඩි 20ක් විතර යනකොට බුබුලු දාලා උතුරන්න ගන්නවා. 

• ඉතුරුවාට පස්සෙ ලිපෙන් බාගන්න. එහෙම්ම තියන්න ටිකකින් යොදය මිදෙනකල්. ඊට පස්සෙ යොදය අයින් කරන්න. 

• තරමකට නිවුනට පස්සෙ යෝගට් එක හා වැනිලා ටික එකතු කරලා බීට් කරන්න. 

• දැන් පෙරලා අරන් යෝගට් කප් වලට දාලා නොසෙල්වෙන තැනක තියලා, වොට් 60ක බල්බ් එකක් දාපු පෙට්ටියක පැය 3ක් වගේ තියලා ෆ්‍රිජ් දාගන්න. 

• දැන් ඔබ කැමති ආකාරයකට පිළිගන්වන්න.