අවශ්‍ය ද්‍රව්‍ය 

• බාස්මතී හාල් කෝප්ප 2ක් 300
• ගිතෙල් මේස හැඳි 2ක්
• තලාගත් ඉඟුරු සහ සුදු ලූණු 
• කපාගත් ලූනු ගෙඩි 1ක් 
• රම්පෙ
• කරපිංචා
• කුරුදු පොතු කැබැල්ලක්
• කරද මුංගු
• කරාබු නැටි  
• රස අනුව ලුණු

සාදන ක්‍රමය 

• මුලින්ම හාල් ටික සෝදාගන්න.
• ඉන්පසු  පෑන් එකක් ලිපෙන් තියලා  ගී තෙල් එකතු කරන්න.
• ඉන්පසු තලාගත් ඉගුරු සුදු ළූණු ළූණු කරපිංචා රම්පේ කරාබු නැටි කරදමුංගු කුරුදු පොතු එකතුකර රන්වන් පාට වනතුරු බැදගන්න.
• ඉන්පසු මේ තෙම්පරාදු මිශ්‍රණය  රයිස් කුකර් එකේ සහල් ටිකටට එකතු කරන්න.
• ඉන් පසුව කහ සහ ලුණු එකතු කරමින් වතුර ද එකතු කරන්න.
• දැන් රයිස් කුකර් එක ඔන් කරන්න.
• බත ඉදුණු පසු කැමති ආකාරයකට  පිළිගන්වන්න.

අවශ්‍ය ද්‍රව්‍ය 

හාල් කිලෝ 1 ක්,

ලොකු ළූණු ග්‍රෑම් 250 ක්,

කරදමුංගු කරල් 8 ක්,

කරාබු නැටි නැටි 6 ක්,

කහ ස්වල්පයක් ,

සුල්තානා ග්‍රෑම් 200 ක්,

ගිතෙල් මේස හැඳි 4 ක්,

ගම්මිරිස් ඇට තේ හැඳි 2 ක්

සාදන ක්‍රමය 

• බදුනක් ලිප තබා එයට ගිතෙල් දමා ලියාගත් ළූණු ටිකත් දෙකට තුනට කඩාගත් ගම්මිරිස්, කරදමුංගු, කරාබුනැටි සහ කහ දමා ගරාගත් හාල් ද දමා තෙම්පරාදු කරන්න. 

• එය තෙම්පරාදු වන විට වතුර හෝ ස්ටොක් දමා බත පිසන්න. 

• සුල්තානා බටර්වල දමා තෙම්පරාදු කරන්න. ඉතිරිය ලූනු ග්‍රෑම් 100 ත් බටර්වල තෙම්පරාදු කරන්න. 

• දැන් පළමුව පිසගත් බත් වලට තෙම්පරාදු කරගත් ලූණු සහ සුල්තානා කලවම් කරන්න. 

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• පොතු ඉවත් කරගත් ඉස්සො 300g,
• කහ තේ හැඳි 1/2,
• මිරිස් කුඩු තේ හැන්දයි,
• ලුණු තේ හැන්දයි,
• ඉඟුරු සුදුළූණු පේස්ට් තේ හැන්දයි,
• බ්ලෙන්ඩ් කරගත්ත ළූණු කප් 1/2,
• ගරම් මසාලා තේ හැඳි 1/4,
• යෝගට් හෝ මීකිරි මෙශරින් කප් 1,
• චොප් කරගත් කොත්තමල්ලි කොළ මේස හැඳි 2,
• ගැඹුරු තෙලේ බැදගත් ළූණු කප් 1/4,
• බෙරි නොවෙන්න පිස ගත් බාස්මතී බත් කප් 1 1/2

සාදන ක්‍රමය 

• කහ, ලුණු, මිරිස්, ගරම් මසාලා, ඉඟුරු, සුදුළූණු, ළූණු පේස්ට් සහ මීකිරි කප් එකෙන් භාගයක් ඉස්සන් හා මිශ්‍ර කර, පැයක් පමණ මැරිනේට් වෙන්න තියාගන්න.

• තෙල් හෝ ගී ටිකක් රත් වෙන්න තියල, ඒකට මැරිනේට් කරගත්ත ඉස්සන් මිශ්‍රණය එකතු කරල, රන්වන් පාට වෙනකම් පිසගන්න.

• පසුව ලිපෙන් ඉවත් කර ඉතිරි මීකිරි භාගය, කොත්තමල්ලි කොළ සහ බැදගත් ළූණුවලින් භාගයක් එක් කරල මිශ්‍ර කරගන්න.

• බටර් තවරාගත් භාජනයකට බත් වලින් කොටසක් ලේයර් කර, ඊට උඩින් සාදාගත් ඉස්සන් මිශ්‍රණය දමාගෙන, ඉතිරි ළූණු ටික ඉසගන්න. 

• එයට උඩින් අනිත් බත් ටික දමා හොඳින් හැන්දකින් තද කර, විනාඩි 8ක් පමණ අඩුම ගින්දරේ පියනකින් වසා පිසගන්න.

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය 

• හාල් ග්‍රෑම් 750 
• කුකුල් මස් කිලෝ 1 ක් (පොතු ගලවා සුද්ද කර කුඩා කැබලි වලට කපා )
• කුකුළු හෝ වෙනත් පීකුදු ග්‍රෑම් 200 ක් 
• කපාගත් මාළු මිරිස් කෝප්ප 1/2 
• ග්‍රීන් පීස් ඇට කපාපු කෝප්ප 1/2
• ස්ටොක්  පීරිසි කෝප්ප 1/2 
• සිහින්ම කැබලි කර ගත් තක්කාලි කෝප්ප 1/2 
• ඔලිව් ඔයිල් තෙල් කෝප්ප 1/2 
• සුදු ලූණු මේස හැඳි 1 ක් 

සාදන ක්‍රමය

• භාජනයකට තෙල් දමා රත්කර ගන්න.එය රත්වනවිට කුකුල් මස් නමා දමා මදක් බැඳුණු පසු සුදු ළූණු, ළූණු, පීකුදු ආදී සියල්ල දමා සහල් ද එකතු කර විනාඩි දහයක් පිසගන්න.

• ඉන්පසු ස්ටොක් එකතුකර උතුරන්නට හරින්න .

• එය භාගයකට තැනූ විට වතුර සහ බත් එක ප්‍රමාණයකට ආ විට මූඩියක් සහිත දෙසීයකට බත් සියල්ල දමා මිරිස් හා ඉස්සන්, පොකිරිස්සන්, ග්‍රීන්පීස් ආදිය ක්‍රමවත්ව අසුරා තක්කාලි උඩින් දමා  පියනෙන් වසා සාමාන්‍ය උෂ්ණත්වය මත විනාඩි තිහක් බේක් කරගන්න .