අවශ්‍ය ද්‍රව්‍ය

• මිල්ක් චොකලට් හෝ මිල්ක් කුකින් චොකලට් 85g,
• සීනි මේස හැන්දයි,
• කුරුඳු කුඩු තේ හැඳි 1/2,
• කිරි කප් 4,
• වැනිලා තේ හැඳි 1/2,
• අවශ්‍ය නම් විප්ඩ් ක්‍රීම් ටිකක්

සාදන ක්‍රමය

• චොකලට් සීනි සහ කුරුඳු එකට එක් කර බ්ලෙන්ඩ් කරගන්න. කිරි ටික භාජනයක දමා ලිපෙන් තබා, ඒකට චොකලට් මිශ්‍රණය එක් කර අඩු ගින්දරේ චොකලට් දිය වෙන තුරු රත් කරගන්න.

• ලිපෙන් ඉවත් කර, බ්ලෙන්ඩ් හෝ මදක් බීට් කරගෙන, උණු වතුරෙන් සෝදාගත් මග් එකක පිලිගන්වන්න. අවශ්‍ය නම් විප්ඩ් ක්‍රීම් වලින් සරසාගන්න. 

• දැන් ඔබ කැමති ආකාරයකට පිළිගන්වන්න.

අවශ්‍ය ද්‍රව්‍ය

• උතුරන වතුර 200ml,
• කිරිපිටි පුරවලා මේස හැන්දක්,
• තේ කොළ පුරවලා තේ හැන්දක්,
• සීනි තේ හැඳි 2 (රස අනුව අඩු වැඩි කරගන්න.)

සාදන ක්‍රමය 

• තේ කොළ වලට උතුරන වතුර දාල වහල තියන්න විනාඩි දෙක තුනක්. ඒ අතරෙ පිටි සහ සීනි දෙක එකට කලවම් කරගන්න.

• තැම්බෙන්න තිබ්බ තේ කොළ ටික පිටි එකට ටික ටික කලවම් කරල පෙරාගෙන සීනි දියවෙනකම් මිශ්‍ර කරගන්න. ආයෙමත් පෙරාගන්න.

• මිලිලීටර් 200ක් කිව්වෙ සාමාන්‍ය තේ කෝප්පෙ ප්‍රමාණය. මග් එකක් පුරෝල තේ බොන අය ඒ ප්‍රමාණෙට මේක වැඩි කරගන්න.

අවශ්‍ය ද්‍රව්‍ය 

• දියර කිරි කෝප්ප එකක්
• ටින්කිරි තේහැඳි  02
• වතුර කෝප්පයක් 
• සීනී තේහැඳි   04
• හොඳම වර්ගයේ තේ කොළ තේහැඳි 03
• (මේකට ටිකක් හොඳට කහට ගතිය ඕන)
• සිහින්ව තලාගත් ඉඟුරු තේහැඳි 01
• තරමක් තලාගත් කරඳ මුංගු කරල් 03

සාදන ක්‍රමය

1. කිරි උණු කිරීම සඳහා ගත් සාස්පානට වතුර කෝප්ප එකක් දාලා ඒක උණු කරගන්න.ඒ විදියට වතුර රත් වේගෙන එද්දී ඒකට කිරි කෝප්පය එකතු කරන්න.කිරි ටික රත්වෙන්න දෙන්න.හැබයි උතුරවන්න එපා.

1. දැන උණුසුම් වෙන කිරි එකට ඉඟුරු සහ කරඳ මුංගු එකතු කරන්න.හොඳින් මිශ්‍ර කරන්න.කිරි ටික උතුරවන්න.කිරි හොදින් උතුරන විට ලිපේ දැල්ල අඩු කරන්න.දැන් එයට තේ කොළ ටික දාලා තැම්බෙන්න දෙන්න.ලිපේ දැල්ල වැඩි කරන්න එපා.

1. තේ කොළ තැම්බුනාට පස්සෙ අයේ ලිපේ දැල්ල වැඩි කරන්න.
2. කිරි එක උතුරගෙන එනකොට දැල්ල නැවතත් අඩු කරන්න.මේ විදියට දෙපාරක් තුන් පාරක් කරන්න.එතකොට තේ මසාලා හොඳට හැදෙනවා .

1. දැන් ලිපෙන් බාගෙන පෙරාගන්න.
2. මේසේ පෙරාගත්තාට පසු ටින්කිරි තේහැඳි දෙක සහ සීනි එකතු කර හොදින් කලවම් කර පිළිගන්වන්න.