අවශ්‍ය ද්‍රව්‍ය

• මදක් තම්බා පලා ගත් බිත්තර 4ක්,
• තලා ගත් ඉගුරු ස්වල්පයක්,
• සුදු ළුණූ ස්වල්පයක්,
• ලුනු,
• කපාගත් රම්ප ,කරපිංචා ,අමුමිරිස් ,
• සේර කෑල්ලක් ,
• කරදමුංගු ස්වල්පයක්,කරාබු නැටි ස්වල්පයක්,
• කුරුදු පොත්තක් ,
• මිරිස් කුඩු ස්වල්පයක්,
• ගම්මිරිස් කුඩු ස්වල්පයක්,
• කහ කුඩු ස්වල්පයක්,
• බැදපු තුනපහ ,
• පොගවා ගත් ගොරකා කැබැල්ලක් ,
• මිටිකිරි කෝප්පයක්,
• රස අනුව ලුණු ,
• තෙල් ස්වල්පයක් 

සාදන ක්‍රමය

• පලමුව භාගයක් ලිප තබා එයට තෙල් දමා රත් වන විට ඉගුරු සුදු ළුණූ දමා බැදෙන්නට හරින්න.

• එයටම කුරුදු පොතු, කරදමුංගු , කරාබු නැටි එකතු කරන්න.

• ඉන් පසු ලුණු , කරපිංචා , අමුමිරිස් ද එකතු කරන්න.
• හොදින් සුවද හමමින් බැදෙන විට මිරිස් කුඩු , ගම්මිරිස් , තුනපහ , කහ එකතු කරගන්න.

• එයටම ගොරකා කෑල්ලද දමන්න.

• හොදින් මිශ්‍ර කර තම්බා පලාගත් බිත්තර ද එයටම එකතු කරගන්න.

• ඉන් පසු උකු මිටි කිරි ටිකද දමා මද වෙලාවක් ගින්දරේ ඉතුරවාගන්න.

• එවිට තෙල් පෑදී උකු හොද්දක් ලැබේවී, කැමති නම් තක්කාලී ද එකතු කරගන්න.

• දැන් ඔබ කැමති ආකාරයකට පිළිගන්වන්න.