අවශ්‍ය  ද්‍රව්‍ය 

• නිල්, කොළ, රතු, කහ වැනි පාට 4කින් ජෙලි පැකට් 4ක් (නිල් පාට නැත්නම් blue berry එක හොයා ගන්න් ටිකක් අඩුයි),
• ටිං කිරි ටිං 1,
• ජෙලටීන් මේස හැදි 1 1/2 ,
• වතුර 350ml

සාදන ක්‍රමය 

• ජෙලි පැකට් 4 වෙන වෙනම සාදා ගෙන නිසි පරිදි සෙට් වුණු පසු 1cm-2cm අතර කුඩා කොටු වලට කපා ගන්න.

• වීදුරු බෝල් එකක් ගෙන එයට කපා ගත් ජෙලි කැබලි වර්ණ විසිරෙන සේ අතුරා පසෙකින් තබන්න.

• දැන් ක්‍රීම් එක සාදා  ගමු. 

• වෙනම කුඩා බදුනක් ගෙන ජෙලටීන් මේස හැදි 1 1/2 දමන්න. දැන් එයට වතුර 100ml දමා කැටි නොගැසෙන සේ දිය කර ගන්න. (මෙය මද ගින්නේ ලිප මත තබා ගැනීමෙන් කැටි නොගැසෙන සේ හොදින් දිය කර ගත හැක.)

• දැන් ඉතිරි වතුර ද එක් කර හොදින් දිය කර සිසිල් වෙන්නට තබන්න.

• සිසිල් වු පසු ජෙලටීන් මිශ්‍රණයට ටිං කිරි ද එක් කර හොදින් මිශ්‍ර කරන්න.

• අවසානයේ එම මිශ්‍රණය ජෙලි කැබලි දමා ඇති බෝල් එක මත  ක්‍රමවත්ව දමා ජෙලි කැබලි අතරට මිශ්‍රණය හොදින් යන පරිදි හිමිහිට භාජනය සොල වන්න.

• පැය 2, 3ක් පමණ සෙට් වීමට ශීතකරණයේ තබන්න.

• දැන් ඔබ කැමති ආකාරයකට පිළිගන්වන්න.