අවශ්‍ය ද්‍රව්‍ය 

• මිල්ක්මේඩ් ටින් එකක් (395 ml),
• මිල්ක්මේඩ් ටින් එකේ ප්‍රමාණයෙන් 1/4ක වතුර,
• මිල්ක්මේඩ් ටින් එකෙන්ම සීනි 1,
• බටර් මේස හැන්දක්,
• පොඩියට කපාගත් කජු ටිකක්

සාදන ක්‍රමය

• භාජනයක් අරගෙන ඒකට මිල්ක්මේඩ් එක සහ වතුර ටි​ක දාන්න. සීනි ටිකත් දාලා ලිපේ තියන්න. සාමාන්‍ය ගින්දරේ තියන්න. සීනි දියවෙනකල් හො​ඳට හැඳි ගාන්න. විනාඩි 10ක් වගේ යනකොට මිශ්‍රණය උකුවේගෙන එනවා. අඩිය අල්ලන්න නොදී හැඳි ගාන්න. 

• ගින්දර ගැන නම් ගොඩක් සැ​ලකිලිමත් වෙන්න ඕනේ.

• පාට ටික ටික වෙනස් වේගෙන එනකොට කජු ටික දාගන්න. හොඳට ඝන මිශ්‍රණ​යක් හැදුනම ලිප ඕෆ් ​කරන්න. 
• බටර් ගාලා කලින් ලෑස්ති කරගත්තු තැටියකට ඉක්මනින් දාලා කෑලි කපාගන්න. (මොකද මේක ඉක්මනින් හයි වෙන නිසා මේ පියවර ටික ටිකක් ඉක්මනින් වෙන්න ඕනේ. උණුවෙන්ම ඉරි ඇ​ඳලා කෑලි කපන්න). 

• දැන් ඔබ කැමති ආකාරයකට පිළිගන්වන්න.