අවශ්‍ය ද්‍රව්‍ය 

ලපටි නෙළුම් අල ,

බී ළුණු ගෙඩි 1 ක්,

අමු මිරිස් කරල් කිහිපයක් ,

මිරිස් කුඩු තේ හැඳි 1/2 ක්,

රටකජු ස්වල්පයක්,

සීනි ස්වල්පයක් ,

ලුණු (රස අනුව),

ලුණු දෙහි ස්වල්පයක්

සාදන ක්‍රමය 

• පළමුව නෙළුම් අල ගෙන සුද්ද කර සිහින් පෙති කපා ගැඹුරු තෙලේ බැදගන්න. බී ළූණු, අමුමිරිස් සිහින් කැබලි වලට කපා ගන්න. 

• ඉන්පසු කට පළල මැටි බඳුනක් හෝ දීසියක් ගෙන කපාගත් බී ළූණු, අමුමිරිස්, මිරිස්කුඩු එයට එක්කර හොඳින් අනාගන්න.

• අනතුරුව ලුණුදෙහි, සීනි, ලුණු රස අනුව එකතු කර අවසානයේ බැදගත් නෙළුම් අල, රටකජු මද ද මිශ්‍ර කර නැවතත් අනාගන්න. (නෙළුම් අල වෙනුවට කොහිල අල ද භාවිතයට ගත හැකිය. සුදු කැකුළු බත සමඟ කදිම එකතුවකි.) 

• දැන් ඔබ කැමති ආකාරයකට පිළිගන්වන්න.