අවශ්‍ය ද්‍රව්‍ය

• ඉඳිආප්ප 50ක් විතර,
• තම්බා කැබලි කරගත් චිකන්,
• තම්බාගත් ග්‍රීන් පීස්,
• ගරම් මසාලා තේ හැන්දක්,
• මිරිස් කුඩු තේ හැන්දක්,
• කහ ටිකක්,
• කරදමුංගු 5,
• කරාබුනැටි 6,
• කුරුඳු පොතු කෑල්ලක්,
• ස්ටාර් අනීස් (තියෙනව නම්),
• බේ ලීෆ් එකක්,
• ෆ්‍රෙශ් මිල්ක් කප් 1/4,
• චොප් කරගත් ළූණු,
• ඉඟුරු සුදුළූණු පේස්ට් තේ හැන්දක්,
• කොත්තමල්ලි කොළ මිටක්,
• බැදගත් කජු,
• බැදගත් ළූණු

සාදන ක්‍රමය

• ඉඳිආප්ප ටික පොඩියට කඩාගෙන ෆ්‍රෙශ් මිල්ක් ටික ඉඳිආප්ප වලට ඉස ගෙන පැත්තකින් තියාගන්න.

• ගී ටිකක් රත් වෙන්න තියල ඒකට ඉඳිආප්ප, කජු, කොත්තමල්ලි කොළ සහ බැදගත් ළූණු හැර අනික් සියළු ද්‍රව්‍ය එකතු කරන්න. 

• සුවඳ එනතුරු තෙම්පරාදු කරගෙන මේ මිශ්‍රණයට ඉඳිආප්ප ටික එකතු කරගන්න.

• හොඳින් මිශ්‍ර කර කජු, ළූණු සහ කොත්තමල්ලි කොළ උඩින් ඉස පිළිගන්වන්න.