අවශ්ය ද්රව්ය
- අමු අඹ ගෙඩි 5ක්,
- රතු ළුණු ගෙඩි 6ක් පොඩියට කපලා,
- සීනි මේස හැදි 4ක් 5ක්,
- තෙල් මේස හැදි 2ක් 3ක්,
- කහ තේ හැදි 1/2,
- ගම්බිරිස් තේ හැදි 1/2,
- උලුහාල් තේ හැදි 1/4,
- කුරැදු කුඩු තේ හැදි 1,
- රම්පේ කරපිංචා,
- මිරිස් කුඩු තේ හැදි 5,
- වතුර කොප්ප 1,
- ඉගුරැ අගලක කැබැල්ලක් හිනියට ලියලා,
- ලුණු කුඩු තේ හැදි 1 1/2,
- බැදපු තුනපහ තේ හැදි 1 ½
සාදන ක්රමය
- මුලින් ම භාජනයක් අරගෙන එකට අඹ ටික කපලා දාන්න. අඹ කපනකොට ඇටෙත් එක්කම කපන්න බලන්න. එතකොට තැම්බෙන කොට බෙරි වෙන්නේ නැහැ. එකටම ඉගුරැ , රතු ළුණු , රම්පේ කරපිංචා , කුරුදු කුඩු , කහ , ගම්බිරිස් , ලුනුකුඩු , බැදපු තුනපහ , උලුහාල් දලා හොදට කලවම් කරන්න.
- පැත්තකින් තියලා තියන්න අඹ වලට ලුණු ඇඹුල් අල්ලන්න.
- ඉන්පසු හට්ටියකට තෙල් ටික දලා රත්වෙනකොට ඉහත සිනි ප්රමාණයෙන් මේස හැදි 1 දලා රන්වන් පාට එනතෙක් බදින්න. හැබැයි මේක දලා වෙන වැඩ වලට යන්න එපා.
- සිනි කරවෙන්න දෙන්නත් එපා මද ගින්නේ නොනවත්වා හැදි ගාන්න ඔනා. සිනි ටික රන්වන් පාට වෙලා උතුරන කොට එකට මිරිස්කුඩු දලා කලවම් කරන්න.
- අඹ ටික තැම්බෙන්න වතුර දලා කලවම් කරන්න. වතුර ගොඩාක් ඔනා වෙන්නේ නැ අඹ කියන්නේ ඉක්මනින් තැම්බෙන්න දෙයක් නේ. එක නිසා අඹ වැහෙනකම් ම වතුර දාන්න එපා එතකොට ගොඩාක් බෙරි වෙයි.
- ටිකක් වෙලා ගිහිලා (විනාඩි 5 කට පස්සේ වගේ) ඉතිරි සිනි ටිකත් දලා කලවම් කරන්න. දැන් කරි එක සැරින් සැරේ හැදි ගාමින් වහලා අඹ තැම්බෙනකන් උයා ගන්න. අවසානයේ ලිපෙන් බාන්නට පෙර ලුණු රස සිනි රස ඇති ද යන්න බලලා ලිපෙන් බාන්න.