අවශ්ය ද්රව්ය
- කැමති නූඩ්ල්ස් පැකට් 1ක් (400g),
- බිත්තර 4ක්,
- කැරට් කුඩාවට කැපූ 100g,
- ලීක්ස් 100g,
- තවත් කැමති ඕනෑම එලවලු(බොන්චි මාලුමිරිස් ගෝවා,),
- චොප් කරගත් සුදු ලූනු හා ඉගුරු ,
- ලුනු කුඩු,
- ගම්මිරිස් කුඩු ,
- පොල්තෙල් (ඔබ පාවිච්චිකරන ඕනෑම තෙල් වර්ගයක්)
සාදන ක්රමය
- මුලින්ම වතුර නටන තෙක් උතුරවලා ඒකට නූඩ්ල්ස් දාලා තැම්බෙන්න වහන්න.බෙරි නොවෙන්න විනාඩි කීපයක් තියලා වතුර පෙරලා නූඩ්ල්ස් නැවත ඇල් වතුරෙන් හේදෙන්න ඇරලා වතුර බේරෙන්න තියන්න.
- තාච්චියකට තෙල් පොඩ්ඩක් දමා (පොල් තෙල් වඩාත්ම සුදුසු)රත්වූ පසු සුදු ලූනු හා ඉගුරු රන්වන් පාට වෙනතුරු තියන්න.
- පසු එයට බිත්තර එකතුකරන්න.
- හොදින් කුඩු වන ලෙස ඉගුරු, සුදු ලූනු ,බිත්තර කලවම් කරන්න .(ඉඟුරු සුදු ලූනු අනිවාර්යයෙන්ම ඕනි.රස හා සුවද මේවගෙන් එන්නේ)
- අවශ්ය නම් කැමති මස් වර්ගයක් කුඩාවට කපා කලින් බැද තබාගෙන,මෙයට එකතු කරන්න.සොසේජස් වුවද කම් නැත.
- ඉන්පසු කැරට් ,ලීක්ස් ,බොංචි,මාලු මිරිස් ,වගේ කැමති එලවලු එකතුකරන්න.
- ලුණු කුඩු හා ගම්මිරිස් කුඩු එකතුකර සියල්ල හොදින් කලවම් කරන්න .
- ගොඩාක් බැදෙන්න නොදී ඉක්මනින් නූඩ්ල්ස් ටික එකතුකර කලවම් කරන්න.
- දැන් ඔබ කැමති ආකාරයකට පිළිගන්වන්න.
