අවශ්‍ය ද්‍රව්‍ය

හාල් පිටි ග්‍රෑම් 100ක්, 

සිහින්ව ගාගත් පොල් ග්‍රෑම් 80ක් ,

ලුණු ස්වල්පයක් 

සාදන ක්‍රමය

• පොල්වලට  ලුණු ඉස පිටි සමඟ හොඳින් කලවම් කරන්න. 

• මෙය පිට්ටු බම්බුවට හෝ  ස්ටීමරයට දමා හොදින් හුමාලයෙන් තම්බා ගන්න.

අවශ්‍ය ද්‍රව්‍ය 

රුලං කෝප්ප 1 ක්,

දිය කිරි කෝප්ප 1 ක්,

කුඩාවට කපාගත් කැරට් ග්‍රෑම් 50 ක්,

කුඩාවට කපාගත් බොංචි ග්‍රෑම් 50 ක්,

කුඩාවට කපාගත් ලීක්ස් ග්‍රෑම් 50 ක්,,

කපාගත් ළූණු ග්‍රෑම් 30 ක් ,

හීනියට කපාගත් කරපිංචා ටිකක් ,

වියළි මිරිස් කරල් 2 ක් ,

තලාගත් ඉඟුරු තේ හැඳි 1/2 ක් ,

තලාගත් සුදු ළූණු තේ හැඳි 1/2 ක්,

කපාගත් අමු මිරිස් කරල් 2 ක් ,

අබ ඇට ටිකක් ,

අවශ්‍ය පමණ ලුණු ,

එළවළු තෙල් හෝ එළඟිතෙල් මේස හැදි 1 ක් 

සාදන ක්‍රමය

• රුලං ටික රන්වන් වන්නට බැදගන්න. භාජනයක් ලිපේ තබා එළඟි තෙල් රත් කරන්න . අබ ඇට ටික දමා පුපුරවා ගන්න ඉන්පසු ළූණු, අමු මිරිස් , කරපිංචා ,ඉඟුරු , සුදුළූණු, වියළි මිරිස් කෑලි දමා බැද ගන්න.

• ඉන්පසු එයට කැරට්, ලීක්ස්, බෝංචි ටික එක්කරන්න.

• මේවා හොඳින් බැදී ගෙන එන විට දිය කිරි වලට ලුණු කලවම් කර මෙයට එක් කරන්න.

• ඉන්පසු මෙය උතුරාගෙන එන විට ගින්දර අඩුකර රුලං ටික හෙමින් ටික ටික දමමින් හැඳිගාන්න.

• එසේ හැඳි ගාන විට හැදුනු ලිහිල්  වූ අපූරු පිටුවක් සාදා ගත හැක.

• අවශ්‍ය නම් මිරිස් කුඩු ටිකක් දෙහි ටිකක් එක්කර ගත හැක.

අවශ්‍ය ද්‍රව්‍ය 

බැදගත් පිටි ග්‍රෑම් 500, 

ගාගත් හකුරු ග්‍රෑම් 250 ,

ලුණු තේ හැඳි කාලක් ,

වතුර

සාදන ක්‍රමය 

• හාල් පිටි බැදගන්න. එයට හකුරු කලවම් කර ලුණු එකතු කර මිශ්‍ර කරන්න. වතුරෙන් පිට්ටු මල් කරන්න.

• අච්චුවට දමා ඉතිරි හාල්පිටි දවටා ගන්න.

• ස්ටීමරය ලිප තබා උතුරන විට පිට්ටු සාදාගන්න.

අවශ්‍ය ද්‍රව්‍ය 

හාල් පිටි  හුණ්ඩු 1/2 බැදගත් ,

බඩඉරිඟු පිටි හුන්ඩු 1/2 යි,

පොල් කෝප්ප 1/2 යි,

අවශ්‍ය තරමට ලුණු වතුර හෝ පොල්කිරි

සාදන ක්‍රමය 

• පිටි වර්ග දෙක එක් කර හොඳින් හලාගන්න . 
• භාජනයක් ගෙන පොල් කෝප්ප 1 හමාර , 1 හමාර දමා එයට ලුණු මිශ්‍රකර හලාගත් පිටි මිශ්‍රණය ටිකෙන් ටික දමමින් පොල් කිරි හෝ වතුරෙන් පිට්ටු මල් කරන්න.

• පිට්ටු පොල් බෝල්කන් අනා ගත් විට මෘදු බවක් මෙන් ම රසය ද වැඩිවේ.

• පිට්ටු තම්බා ගෙන පොල්කිරි ටිකක් ඉස කෑලි කපා ගෙන ආහාරයට ගන්න.

අවශ්‍ය ද්‍රව්‍ය 

බැදගත්  හාල් හුන්ඩු 1 ක්,

බඩඉරිඟු පිටි හුන්ඩු 1 ක්,

අවශ්‍ය තරමට  ලුණු සහ වතුර 

සාදන ක්‍රමය 

• බඩඉරිඟු පිටි රෙදි කැබැල්ලක ගැටගසා විනාඩි 20ක් පමණ තම්බා ගන්න.

• එය උණුසුම්ම තිබියදීම තුන් වරක් පමණ හලාගෙන හාල් පිටි මිශ්‍ර කර නැවතත් හලා ගන්න.

• එම මිශ්‍රණය භාජනයකට දමා ලුණු කලවම් කර  උණු වතුර ටිකෙන් ටික දමමින් පදමට අනාගන්න.

• ඉන්පසු තට්ටුවලට ඉදියාප්ප සාදාගෙන ඉදි ආප්ප සාදා ගෙන හොඳින් තම්බා ගන්න.

• මෙම මිශ්‍රණයෙන් ඉඳිආප්ප 30 ක් පමණ සාදා ගත හැකිය.