ඉඹුල් කිරි බත්
අවශ්ය ද්රව්ය
- කැකුළු හාල් ග්රෑම් 500 යි,
- පොල් ගෙඩි 1 ක කිරි,
- ලුණු අවශ්ය පදමට,
- පොල් පැණි සඳහා ගාගත් පොල් ගෙඩියක්,
- සීනි ග්රෑම් 500 ක් පමණ,
- කරදමුංගු ඇට කිහිපයක්,
- ලුණු බිංදු කිහිපයක්
සාදන ක්රමය
- හාල් ගරා සෝදා වතුර සාමාන්ය බතකට දමනවාට වඩා වැඩියෙන් දමා ලිප තබන්න. මද ගින්නෙන් බත ඉදී වතුර සිඳෙන විට මිරිකාගත් කිරි වලට ලුණු ද අවශ්ය ලෙස දමා හොඳින් කළවම් කර කිරිබත උයාගන්න.
- බඳුනක් ගෙන එයට සීනි දමන්න. ළිප තැබූ එම බඳුන තුල වූ සීනි දියවී කරවේගෙන එනවිට වතුර ටිකක් දමන්න. හොඳින් හැඳි ගාමින් උණු කරගන්න. තලාගත් කරඳමුංගු, පොල් හා ලුණු ස්වල්පයක් එක්කරමින් පොල් පැණි මලවාගන්න.
- අඬු කෝප්පයක් වැනි කෝප්පයකින් අඩකට කිරිබත් දමා. පසුව පොල් පැණි දමා නැවත කිරිබත් ඒ උඩින් දමා ඉඹුල් කිරිබත් සාදාගන්න.
- දැන් ඔබ කැමති ආකාරයකට පිළිගන්වන්න.
