අවශ්‍ය ද්‍රව්‍ය

බැටර් එක සඳහා ,

• බිත්තර 1,
• කෝන් පිටි  මේස හැඳි 3,
• වතුර ස්වල්පයක්,

අනෙකුත් අමුද්‍රව්‍ය, 

• චිකන්  250g,
• තෙල් 175ml,
• තක්කාලි සෝස්  මේස හැඳි 2 1/2,
• සෝයා සෝස්  මේස හැඳි 3/4,
• ඔයිස්ටර් සෝස්  මේස හැඳි 1 (අත්‍යාවශ්‍ය නැත ),
• අමු මිරිස්  කරල් 4,
• චිලි පේස්ට් හෝ කෑලි මිරිස්  මේස හැඳි 1 1/3,
• ලොකු ලූණු  ගෙඩි 1,
• මාළු මිරිස්  කරල් 1,
• ඉඟුරු සුදුලූනු පේස්ට්  තේ හැඳි 1/2,
• ලුණු හා ගම්මිරිස්  රස අනුව,
• සීනි – තේහැඳි 1

සාදන ක්‍රමය

• චිකන් ටික තරමක් කුඩා කැබලි වලට කපා හොඳින් සෝදා එයට ලුණු ගම්මිරිස් දමා හොඳින් කවලම් කර එයට බැටර් එක සැදීමට ගත් බිත්තරය දමා එයටම කෝන් පිටි දමා කවලම් කර මිශ්‍රනය දියාරු මදිනම් පමණක් වතුර ස්වල්පයක් දමා හොඳින් චිකන් කැබලි වල බැටර් එක ඇලෙන ලෙස කවලම් කර ගන්න .

• තෙල් තාච්චියක් ලිප තබා එය රත් වූ පසු චිකන් ටික දමමින් රන්වන් පැහැය වන තෙක් බඳ ගන්න. 

• පසුව පෑන් එකක් ලිප තබා එයට තෙල් ස්වල්පයක් දමා ඉඟුරු සුදුලූනු පේස්ට් එක දමා මදක් රන්වන් පැහැය වන තෙක් බැදගන්න .

• පසුව කොටු හෝ දිගටි හැඩයට කපා ගත් මාලු මිරිස් හා ලොකු ලූනු එකතු කරන්න . එයටම අමු මිරිස් කරල්ද දෙකට පලා එකතු කරන්න .

• පසුව චිකන් ටිකද එකතු කර එයට තක්කාලි සෝස් , සෝයා සෝස් , ඔයිස්ටර් සෝස් එකතු කර කවලම් කර චිලි පේස්ට් හා සීනි එකතු කර කවලම් කර ගන්න .

• පසුව රස අනුව ලුනු හා ගම්මිරිස් එකතු කර ගන්න (කෑලි මිරිස් එකතු කරනවානම් ඉඟුරු සුදු ලූණු දමා ස්වල්ප වෙලාවකින් එකතු කරගන්න )